“Шмат цёплых слоў і падтрымкі”. У Нью-Ёрку адбылася прэм’ера фільма Мары Тамковіч “Пад шэрым небам”
Фільм беларускай рэжысёркі паказалі на фестывалі Tribeca, які быў заснаваны…
Лідары гурта Irdorath, якія выйшлі на свабоду ў Беларусі, пераехалі ў Берлін
5 мая, 2024
Там Надзея і Ўладзімір Калач адкрылі музычную студыю і рыхтуюць канцэрт-вяртанне на сцэну.
“Нават граць на музычным інструменце трэба нанова вучыцца. А мы граем на некалькіх. Ты глядзіш на свае пальцы і спрабуеш займацца тым, чым ты займаўся да гэтага. І пачынаюцца гэтыя гадзіны з метраномам. Ты павінен спачатку дасягнуць свайго ўзроўню, а потым ужо сябе перасягнуць”.
Пра гэта Надзея і Уладзімір расказалі ў інтэрв’ю DW. Зараз яны плануюць праехаць па еўрапейскіх музычных фестывалях, але да гэтага хочуць арганізаваць канцэрт-вяртанне:
“Мы вырашылі зрабіць прыватны сольны канцэрт у нашым стылі. Гэта будзе Азендорф, туды цяжка даехаць, і гэта будзе маленькі клуб. Але мы правядзем там тры дні, рэпетыруючы нон-стоп проста на сцэне, і ў канцы мы сыграем канцэрт для людзей, якія прыедуць.
Гэта канцэрт для тых, хто вельмі за нас перажываў і хоча ўбачыць, як па-сапраўднаму выглядае момант вяртання на сцэну, ці хэпі-энд гэтай не вельмі прыкольнай гісторыі”.
Тэгі: беларуская музыка
