Звычайныя гарады афлайн-паказаў, такія як Талін і Вільня застануцца, аднак у гэтым годзе да іх дадасца сталіца Польшчы. Таксама фільмы традыцыйна можна будзе паглядзець бясплатна: анлайн на сайце кінафестывалю.

– Чаму мы вырашылі пашырыць геаграфію? Бо там шмат класнай аўдыторыі, якой, мы верым, будзе цікавы наш кінафестываль. Толькі ў Варшаве 25 тысяч беларусаў! Ну і канешне, мы разлічваем на цікаўнасць і з боку польскай і міжнароднай аўдыторыі. 

Усе навіны па праграме і лакацыях мы хутка абвесцім. Інтрыга – вы афігееце ад таго, якая класная ў нас лакацыя! – у каментары для Backstage расказала заснавальніца кінафестывалю Воля Чайкоўская.

Таксама мы даведаліся, што сёлета на беларускую праграму “Ззяння” былі пададзены 43 работы, з якіх пяць поўнаметражных фільмаў. 

Кінафестываль “Паўночнае ззянне” пройдзе з 4 па 21 лістапада, а яго галоўнай тэмай стане тэма вяртання да каранёў.

Backstage

Рэдакцыя

Previous Story

Мікіта Бялевіч: “Ствараючы кантэнт па-беларуску, я адчуваю, што стаю ля вытокаў чагосьці важнага”

Next Story

“Беларускія фільммэйкеры зараз не проста выйшлі з зоны камфорту, яны адтуль катапультаваліся”