![Максім Жбанкоў запусціў Youtube-шоу пра гісторыю беларускага кіно](https://backstage.place/wp-content/uploads/2024/09/sto-god-zhbankou-200x200.jpg)
Максім Жбанкоў запусціў Youtube-шоу пра гісторыю беларускага кіно
Першы выпуск шоу “Сто год беларускага кіно” распавядае пра двадцатыя…
– Я бы параіў глядзець фільм “Дом”, бо гэта мой першы ігравы фільм, які я зрабіў пад час студэнцтва ў Акадэміі мастацтваў. І ўсе ўдзельнікі, акторы і каманда былі таксама студэнтамі, – расказаў у каментары Backstage рэжысёр Арцём Лобач.
Паводле яго слоў, паглядзеўшы фільм, можна ўявіць, які вялікі аб‘ём працы быў зроблены на той час (фільм здымаўся ў 2010 годзе).
– Калі пачынаеш планаваць прадакшн, то без досведу добра спланаваць амаль немагчыма, і з гэтым фільмам было цяжка. Але мне моцна пашчасціла з камандай, бо з усімі складанасцямі мы неяк справіліся.
Па-першае, я не лічыў бюджэт. Я меў 1000 еўра і вырашыў, што гэтага хопіць. Але экспедыцыя ў Жалудок з камандай у 20 чалавек выдаткаў патрабавала куды болей. Грошы скончыліся на трэці дзень, таму далей мы усе скідваліся і працягвалі здымаць.
У выніку за сем дзён бесперапыннай працы амаль без сну мы знялі крыху больш за палову фільма, а некаторыя адзнятыя сцэны не ўвайшлі ў фінальны мантаж. І гэта ўрок нумар адзін: мець рэалістычнае планаванне.
Праз паўгады ў нас з‘явіўся прадусар і радыё “Рацыя” дапамагла нам з грашыма, за якія мы дазнялі і пераагучылі фільм. Таму правіла нумар два: неабходны добры мэнэджар, каб ён займаўся арганізацыйнымі пытаннямі, а не рэжысёр ці аператар.
Ну і правіла нумар тры: нахрэн усе правілы. Пакуль гарыць агонь у маладога аўтара, трэба збіраць аднадумцаў і ствараць. І даводзіць працу да канца, нават калі агонь ужо згас. Бо калі ёсць вынік, нават калі ты ім незадаволены, гэта крок творчай эвалюцыі аўтара, – кажа Арцём Лобач.
Фільм можна паглядзець бясплатна на платформе Vodblisk, калі вы знаходзіцеся ў Беларусі, і за невялікі данат, калі за мяжой.
Рэдакцыя
Першы выпуск шоу “Сто год беларускага кіно” распавядае пра двадцатыя…
Элі Нова выканала ролю мадэлі, якая пайшла на спатканне з…
У гэтым годзе BarCamp, які ўжо другі раз запар ладзіць…