Фільм беларускай рэжысёркі паказалі на фестывалі Tribeca, які быў заснаваны акторам Робертам Дэ Ніра, прадзюсаркай Джэйн Розенталь і іншымі вядомымі дзеячамі амерыканскага кіно.

– Наш прэм’ерны паказ адбыўся ў пятніцу, на ім было дастаткова шмат людзей. Гэта вельмі парадавала, бо я баялася, што наш конкурс можа застацца крыху ў цені амерыканскіх селебрыці. Але прышлі беларусы і палякі, мясцовыя гледачы і іншыя госці фестывалю.

Вельмі ўразіла, што літаральна ўсе людзі засталіся на размову пасля паказу, задавалі шмат пытанняў. Шмат было цёплых слоў і падтрымкі, – расказала Мара Тамковіч у каментары Backstage.

Па словах рэжысёркі, на працягу фестывалю фільм чакае паказ для акрэдытаванай прэсы, а таксама яшчэ адзін адкрыты паказ, на якім каманда фільма зможа прадставіць яго шырокай аўдыторыі.

Фільм “Пад шэрым небам” натхнёны гісторыяй кахання пары беларускіх журналістаў Кацярыны Андрэевай і Ігара Ільяша, які асвятлялі пратэсты 2020 года, калі Кацярына была затрымана падчас жывога эфіру з Плошчы Перамен. Журналістка дагэтуль знаходзіцца ў зняволенні ў Беларусі.

Backstage

Рэдакцыя

Previous Story

Што такое пітчынг у кіно? Спыталі ў кінапрадзюсара

Next Story

“Германія – гэта пра магчымасці”. З'езд беларускіх фільммэйкераў пройдзе ў Берліне